Ambasada e Shteteve të Bashkuara të Amerikës në Prishtinë e ka ulur në gjysmështizë flamurin amerikan këtë të mërkurë si shenjë solidarizimi për viktimat e prekur nga termeti në Turqi.

Një veprim të tillë e ka bërë edhe Qeveria e Kosovës, duke ulur në gjysmështizë flamurin e vendosur në oborrin e këtij institucioni.

“Pas vendimit të presidentes Osmani që sot të jetë ditë zie për viktimat e tërmetit në Turqi dhe Siri, iu bashkuam Qeverisë së Kosovës në uljen e flamurit tonë në gjysmështizë në respekt dhe përkujtim për ata që humbën jetën nga kjo ngjarje tragjike”, thuhet në njoftimin e ambasadës amerikane në Twitter.

Kujtojmë se presidentja Vjosa Osmani e ka shpallur të mërkurën ditë zie shtetërore në Kosovë, në shenjë solidarizimi me Turqinë dhe Sirinë, të cilat janë goditur nga një tërmet i fuqishëm që ka lënë të vdekur mijëra persona./arbresh.info/

In recognition of President Osmani’s declaration that today is a day of mourning for victims of the earthquakes in Turkiye and Syria, we joined the Government of Kosovo in lowering our flag to half-mast in respect and remembrance for those who have died due to this tragic event. pic.twitter.com/XLmMgsPFsC

— U.S. Embassy Pristina (@USEmbPristina) February 8, 2023